សូមទ្រង់ប្រោសឲ្យរសាយ ( ខ ១៩៤ )

១.លោកិយនេះល្បួងខ្ញុំខ្លាំងណាស់  ឱព្រះអម្ចាស់   ប្រោសឲ្យរសាយ 
អំណាចសាច់ឈាមនាំឲ្យខ្ញុំខ្វល់ខ្វាយ    ភ្លេចព្រះទ្រង់ជួយដោះស្រាយ 
រងបន្ទុកខ្ញុំ      តែក្តីស្រឡាញ់      និងព្រះគុណធ្ងន់       ទ្រង់ដោះទុក្ខធំ 
តែងរៀបផ្លូវឲ្យជៀសដោយសុខុម     ដើរកាត់ច្រកភ្នំម្លប់សេចក្តីស្លាប់  ។ 

២.ខ្ញុំអធិស្ឋានឲ្យរសាយ     ផ្ទេរទុក្ខទាំងឡាយថ្វាយទ្រង់ប្រញាប់ 
ទុក្ខកើតព្រោះល្បួងនាំឲ្យខ្ញុំធ្វើបាប      ខ្ញុំខ្លាចណាស់សេចក្តីស្លាប់ 
រងទុក្ខក្នុងភ្លើង   មានតែព្រះអង្គ     ខ្ញុំអាចពឹងពាក់   សូមលើកខ្ញុំឡើង 
សូមលុបទោសព្រោះខ្ញុំខុសធ្វើឆ្មើង  ភ្លេចលើកតម្កើងទ្រង់ក្នុងជីវិត   ។