ព្រះដ៏មានគុណ ( ខ ១៣១ )

១.ព្រះអង្គសង្គ្រោះជារាជបុត្រ                      ទ្រង់លះចោលផុតឋានសូគ៌ល័យ 
យកជាតិជាមនុស្សក្នុងលោកិយ              ឲ្យជនប្រុសស្រីចូលដល់ទ្រង់      ។ 

២.ទ្រង់មានអំណាចគ្រប់ចេស្ដា                     គ្មាននាមព្រះណាដូចទ្រង់ផង 
បងប្អូនប្រុសស្រីកុំរារង់                              អំណាចព្រះអង្គធំលើសគេ          ។ 

៣.យើងត្រូវទទួលទ្រង់មកតាំង                       ដាក់លើបល្ល័ង្កចិត្តកុំរេ 
គ្មាននាមសង្គ្រោះណាទៀតទេ                  មានតែនាមព្រះយេស៊ូវហោង       ។ 

៤.អរគុណព្រះអង្គទ្រង់សប្បុរស                     ប្ដូរព្រះជន្មលោះបាបមនុស្សផង 
ទាំងអ្នកទាំងខ្ញុំរួចតែ  ម្ដង                            លោហិតទ្រង់សងហើយលុបលាង   ។ 

៥.មើលកាលដែលទ្រង់ទ្រាំសុគត                    សុភាពអត់ធ្មត់លើឈើឆ្កាង 
ឈាមហូរស្រោចស្រពសព្វសព៌ាង្គ                   ទុកជាភស្ដុតាងឲ្យសង្ឃឹម     ។ 

៦.កូនអរគុណណាស់ណាម្ចាស់ថ្លៃ                  គុណទ្រង់ធ្ងន់ក្រៃឥតអ្វីផ្ទឹម 
ពីថ្ងៃនេះទៅកូនសង្ឃឹម                                   ជឿពិតឥតព្រឹមដកចិត្តឡើយ  ។