ទ្រង់ហៅដោយស្រឡាញ់ (ខ ១១៩)

១.ជីវិតរសាត់បាត់ដូចជាផ្សែង     ដូចខ្លែងដែលដាច់រសាត់គ្មានខ្សែ 
ទឹកភ្នែកហូរតែឯងឥតមានពេលល្ហែ    ភពងងឹតឥតប្រួលប្រែបាំងក្ដីពិត   

២.ទោសអ្នកពីមុនទ្រង់ចង់លុបចេញ   ទ្រង់អាចបំពេញអ្នកក្នុងជីវិត 
តាំងទ្រង់ឡើងទទួលក្ដីស្រឡាញ់ពិត  មានមេត្រីពេញដួងចិត្តឥតសង្ស័យ  

បន្ទរ.បើជីវិតនៅព្រះហស្ដទ្រង់  ការភ័យព្រួយលែងមានទៀតឡើយ 
បានទទួលសេចក្ដីពិតហើយ  អ្នកនឹងឃើញតែក្ដីស្រឡាញ់ជានិច្ច(ស្ទួន)

៣.ព្រះគ្រីស្ទចង់អត់ទោសអ្នកពេកក្រៃ   ទ្រង់ជាដង្វាយឲ្យធួនបាបអ្នក 
ថ្វាយជីវិតទៅក្នុងព្រះហស្ដទ្រង់ជាក់   ក្ដីសង្ឃឹមមានដល់អ្នកលែងសង្ស័យ     

បន្ទរ.បើជីវិតនៅព្រះហស្ដទ្រង់  ការភ័យព្រួយលែងមានទៀតឡើយ 
បានទទួលសេចក្ដីពិតហើយ  អ្នកនឹងឃើញតែក្ដីស្រឡាញ់ជានិច្ច(ស្ទួន)