ព្រះដ៏មានគុណ ( ខ ១៣២ )

១.ព្រះអង្គសង្គ្រោះជារាជបុត្រ    (ជាព្រះរាជបុត្រ)       ទ្រង់លះចោលផុតឋានសួគ៌ល័យ 
យកជាតិជាមនុស្សក្នុងលោកិយ                     ឲ្យជនប្រុសស្រីចូលដល់ទ្រង់    ។ 

បន្ទរ.ហាលេ        ហាលេលូយ៉ា      ហាលេ      ហាលេលូយ៉ា       ។ 

២.ទ្រង់មានអំណាចគ្រប់ចេស្ដា    (គ្រប់ចេស្ដា)           គ្មាននាមព្រះណាដូចទ្រង់ផង 
បងប្អូនប្រុសស្រីកុំរារង់                               អំណាចព្រះអង្គធំលើសគេ   ។ 

បន្ទរ.ហាលេ        ហាលេលូយ៉ា      ហាលេ      ហាលេលូយ៉ា       ។  

៣.យើងត្រូវទទួលទ្រង់មកតាំង    (ទទួលមកតាំង)      ដាក់លើបល្ល័ង្កចិត្តកុំរេ 
គ្មាននាមសង្គ្រោះណាទៀតទេ                     មានតែនាមព្រះយេស៊ូវហោង   ។ 

បន្ទរ.ហាលេ        ហាលេលូយ៉ា      ហាលេ      ហាលេលូយ៉ា       ។ 

៤.អរគុណព្រះអង្គទ្រង់សប្បុរស   (ទ្រង់សប្បុរស)      ប្ដូរព្រះជន្មលោះបាបមនុស្សផង 
ទាំងអ្នកទាំងខ្ញុំរួចតែម្ដង                                 លោហិតទ្រង់សងហើយលុបលាង។ 

បន្ទរ.ហាលេ        ហាលេលូយ៉ា      ហាលេ      ហាលេលូយ៉ា       ។ 

៥.មើលកាលដែលទ្រង់ទ្រាំសុគត   (ទ្រង់ទ្រាំសុគត)      សុភាពអត់ធ្មត់លើឈើឆ្កាង 
ឈាមហូរស្រោចស្រពសព្វសព៌ាង្គ                   ទុកជាភ័ស្ដុតាងឲ្យសង្ឃឹម     ។ 

បន្ទរ.ហាលេ        ហាលេលូយ៉ា      ហាលេ      ហាលេលូយ៉ា       ។ 

៦.កូនអរគុណណាស់ណាម្ចាស់ថ្លៃ (ណាអម្ចាស់ថ្លៃ)      គុណទ្រង់ធ្ងន់ក្រៃឥតអ្វីផ្ទឹម 
ពីថ្ងៃនេះទៅកូនសង្ឃឹម                                   ជឿពិតឥតព្រឹមដកចិត្តឡើយ      ។ 
បន្ទរ.ហាលេ        ហាលេលូយ៉ា      ហាលេ      ហាលេលូយ៉ា       ។