ពេលពេញកំណត់ជិតដល់ហើយ ( ខ ១៤៨ )

១.ពេលណាព្រះគ្រីស្ទមកវិញ   ឱបងប្អូនអើយ       នៅក្នុងពពក​ (ស្ទួន)
ពួកបរិសុទ្ធហែហមមក       ឱបងប្អូនអើយ       ពេញសិរីល្អ 
ចូរយើងទទួលទ្រង់ចុះ       ឱបងប្អូនអើយ        ដោយចិត្តស្មោះស  ។ 

២.ទ្រង់ពិតជាយាងមកវិញ   ឱបងប្អូនអើយ     ឲ្យយើងត្រេកអរ (ស្ទួន)
មកគ្រងរាជ្យលើនគរ        ឱបងប្អូនអើយ        រួចតាំងយើងឡើង 
ចូរយើងជឿដល់ទ្រង់ចុះ      ឱបងប្អូនអើយ        នុះបានថ្កុំថ្កើង  ។ 

៣.ទ្រង់ជិតយាងមកវិញហើយ  ឱបងប្អូនអើយ  ខំតាំងចិត្តឡើង (ស្ទួន)
ញែកខ្លួនតាមច្បាប់ម្ចាស់យើង   ឱបងប្អូនអើយ      ឲ្យបានបរិសុទ្ធ 
ចូរយើងរង់ចាំទ្រង់ចុះ       ឱបងប្អូនអើយ      ទ្រង់លើកយើងផុត         ។ 

៤.ពេលណាទ្រង់យាងមកដល់  ឱបងប្អូនអើយ  ពួកខ្មាំងភ័យស្លុត (ស្ទួន)
រត់ពួនខ្មាសពួកបរិសុទ្ធ   ឱបងប្អូនអើយ     ព្រោះភាពឧត្តម 
ចូរយើងមានសង្ឃឹមចុះ     ឱបងប្អូនអើយ   ដោយចិត្តមុតមាំ    

៥.ទ្រង់មុខជាតាំងយើងឡើង  ឱបងប្អូនអើយ     ក្នុងរាជ្យសុខុម​ (ស្ទួន)
រាជ្យទ្រង់ខ្ពង់ខ្ពស់ឧត្តម   ឱបងប្អូនអើយ    ឋិតឋេយូរលង់ 
ចូរយើងរីករាយចិត្តចុះ    ឱបងប្អូនអើយ    លើកសរសើរទ្រង់   ។