ដំណើរគ្រីស្ទជន ( ខ ១៥៦ )

១.យើងគ្រីស្ទាន    មានចិត្តអង់អាចក្លាហាន    (ចូរទៅមុខ) ​ស៊ូប្តូរប្រាណ   ពុះពារយកជីវី   (យកជីវី) 
ខ្មាំងជាបាប   យើងបង្ក្រាបបានស្មើធូលី  (ស្មើធូលី) ត្រូវជាន់ឈ្លី  ឲ្យវិនាសបង់  (វិនាសបង់)   ។ 

២.យើងដើរតាមព្រះគ្រីស្ត ដែលមានជោគជ័យ (ទ្រង់មានជ័យ) ទ្រង់ស៊ូក្ស័យ យកឈ្នះលើសាតាំង  (ឈ្នះសាតាំង) 
រស់វិញហើយ ឡើងជាក្សត្រគង់លើបល្ល័ង្ក (ទ្រង់សោយរាជ្យ) សត្រូវខ្មាំង ដាក់ក្រោមបាទា  (ក្រោមបាទា)   ។ 

៣.ចូរទៅមុខ ទៅមុខ យើងដើរតាមទ្រង់ (ដើរតាមទ្រង់) កុំរារង់ ក្រែងលោក្ស័យជីវា  (ក្ស័យជីវា) 
ខ្មាំងតាមឆ្មក់ ឆក់យកបានធ្វើឲ្យបរា  (ឲ្យចុះចាញ់) ស្លាប់ឥតការ វិនាសបាត់បង់  (វិនាសបង់) ។ 

៤.យើងដើរតាមព្រះគ្រីស្ទ    ដ៏ជាស្តេចធំ  (ជាស្តេចធំ) មានចេសា្ត   ជួយយើងឲ្យគង់វង់   (ឲ្យគង់វង់) 
កាន់អាវុធ  ចូលប្រយុទ្ធយកទីថ្វាយទ្រង់ (យកថ្វាយទ្រង់) កុំបង្អង់  តាមទ្រង់បញ្ជា  (ទ្រង់បញ្ជា)     ។ 

៥.នាំសារទៅប្រាប់  ដល់អស់ពួកបាត់បង់  (ពួកស្លាប់បង់) ឲ្យតាមទ្រង់ កុំនៅឈររេរា  (ឈររេរា) 
យកទ្រង់បាំង ខ្មាំងក្តីស្លាប់មុខជាបរា (វាចុះចាញ់) យកថ្មដា ជាទីសង្គ្រោះ  (ទ្រង់សង្គ្រោះ)   ។ 

៦.ចូរយើងកាន់ដៃគ្នា  ដើរតាមព្រះអង្គ  (តាមព្រះអង្គ) ចូរលះបង់ទាំងអស់  តាមទ្រង់ចុះ (តាមទ្រង់ចុះ) 
ដ្បិតទ្រង់ឈ្នះ យើងក៏ឈ្នះដោយ ទ្រង់សង្គ្រោះ (ទ្រង់ប្រោសលោះ)​ហើយទ្រង់ស្មោះ  ជួយយើងជានិច្ច   (ជួយជានិច្ច)។