ចូរមកទទួលព្រះពិត ( ខ ២៩១ )

១.សូមលើកសរសើរថ្លែងពីព្រះគុណ ករុណាដ៏ធ្ងន់ គុណព្រះមេត្តា (ស្ទួន)
មានតែទ្រង់មួយ ល្អយ៉ាងអស្ចារ្យ  គ្មានព្រះឯណា ល្អដូចទ្រង់សោះ  ។ 

២.ព្រះអង្គស្រឡាញ់មនុស្សយើងណាស់ បានជាព្រមលះ មកស្លាប់ជំនួស (ស្ទួន)
ប្តូរបង់ជីវ៉ា ទុកជាថ្លៃលោះ ផ្តាច់បាបពីមនុស្ស  ឲ្យរួចជីវិត  ។ 

៣.ព្រះយេស៊ូវគ្រីស្ទទ្រង់ល្អណាស់ណា ផ្តល់ក្តីមេត្តា ករុណាអាណិត  (ស្ទួន)
ព្រះអង្គជាព្រះ អង្គមេត្រីពិត សូមយើងថ្វាយចិត្ត  ទទួលជឿទ្រង់ ។ 

៤.បើពឹងព្រះនាមយេស៊ូវពិត ការអ្វីយើងគិត   សុំដូចចិត្តប៉ង  (ស្ទួន)
ទ្រង់មានចេសា្ត   បំពេញបំណង ស្រឡាញ់ប្អួនបង ស៊ូលះព្រះជន្ម ។ 

៥.ព្រះអង្គជាព្រះលើអស់ទាំងព្រះ មានមនុស្សច្រើនណាស់ មិនស្គាល់ព្រះគុណ (ស្ទួន)
ហើយតាំងអួតខ្លួន ថាឯងមានបុណ្យ  ឥតដឹងទោសធ្ងន់ ធ្លាក់ចុះបឹងភ្លើង ។ 

៦.ឱបងប្អូនខ្មែរជាតិខេមរាអើយ  ព្រះមកប្រោសហើយ ឆាប់រូតរះឡើង  (ស្ទួន)
ទទួលព្រះពិត នោះបានថ្កុំថ្កើង ទ្រង់លើកតាំងឡើង ជាកូនព្រះអង្គ ។ 

៧.អ្នកណាទទួលយកព្រះយេស៊ូ  អ្នកនោះព្រមប្តូរ យកជីវិតទ្រង់ (ស្ទួន)
ជីវិតនៃព្រះ មិនដែលស្លាប់បង់  រស់នៅយូរលង់ ខុសអស់កល្បអើយ។