ឱព្រះដ៏ជាមហាក្សត្រ ( ខ ១៣ )

១.ឱព្រះដ៏ជាមហាក្សត្រ        យើងខ្ញុំប្រតិបត្តិតម្កើងព្រះនាម  ។ 
២.ចិត្តកូនទាំងអស់ជឿតាម    លើកតាំងព្រះនាមនៃព្រះដ៏រស់  ។ 
៣.ដោយចិត្តភក្ដីដ៏ស្មោះ         យើងខ្ញុំទាំងអស់សូមថ្លែងប្រកាស ។ 
៤.សរសើរនូវឫទ្ធិអម្ចាស់         ដែលយើងឃើញច្បាស់ពីក្ដីករុណា ។ 
៥.សន្ដោសដល់គ្រប់កិច្ចការ   ពីព្រះបិតាដល់បុត្រប្រុសស្រី ។ 
៦.ព្រះអង្គតែងតែប្រណី          ករុណាប្រពៃប្រោសអស់មនុស្សជាតិ ។ 
៧.កូនសូមប្រកាសប្រាប់ញាតិ   កូនបានរស់ទៀតដោយស្នាដៃទ្រង់  ។ 
៨.ព្រះអង្គទ្រង់នាំតម្រង់          លើកថ្កើងបញ្ចង់អ្នកដួលទាំងអស់ ។ 
៩.ភ្នែកយើងរង់ចាំដ៏ស្មោះ       ពីក្ដីសប្បុរសនៃវរបិតា ។ 
១០.ព្រះអង្គប្រទានអាហារ        តាមក្ដីត្រូវការដល់អ្នកឃ្លានណាស់ ។ 
១១.ប្រទាននូវឫទ្ធិតេជះ            សង្គ្រោះជាក់ច្បាស់អ្នកអំញវទ្រង់។ 
១២.ព្រះអង្គការពារតម្រង់         ពួកបុត្រស្មោះត្រង់ទ្រង់លើកតម្កើង ។ 
១៣.ឱព្រះអម្ចាស់នៃយើង        កូនសូមតម្កើងដោយចិត្តបរិសុទ្ធ។