សូមព្រះវិញ្ញាណបរិសុទ្ធយាងមកសណ្ឋិត ( ខ ២០៤ )

១.សូមព្រះវិញ្ញាណបរិសុទ្ធប្រោសប្រាណ       យាងមកស  ណ្ឋិត    (ស្ទួន)
សូមសោយរាជ្យក្នុងចិត្ត        ហើយឆ្នៃជីវិត      ខ្ញុំតាមព្រះទ័យ 
សូមព្រះអង្គដឹកនាំ      ហើយបង្រៀនខ្ញុំជារៀងរាល់ថ្ងៃ 
ខ្ញុំចង់រស់ក្នុងជីវិតថ្មី       សូមដឹកដៃនាំខ្ញុំតាមផ្លូវសុចរិត     ។ 

២.សូមព្រះវិញ្ញាណបរិសុទ្ធប្រោសប្រាណ     លោមកំសាន្តចិត្ត    (ស្ទួន)
ពេលមានភ័យវិបត្តិ      សូមលួងលោមចិត្ត     ខ្ញុំឲ្យបានធូរ 
សូមព្រះអង្គមេត្តា    ផ្ដល់ក្ដីស្នេហា     នៃព្រះយេស៊ូវ 
មកក្នុងចិត្តខ្ញុំជាបរិបូរ      ពេញហៀរហូររាចសាចដល់គេគ្រប់គ្នា    ។ 

៣.សូមព្រះវិញ្ញាណបរិសុទ្ធប្រោសប្រាណ    ប្រទានចេស្ដា    (ស្ទួន)
បំពេញតាមត្រូវការ     ខ្ញុំមានប្រាថ្នា     ផ្សាយនាមព្រះគ្រីស្ទ 
សូមព្រះអង្គមេត្តា      ខ្ញុំទៅទីណា     ក្នុងលោកីយ៍នេះ 
ឲ្យគ្រប់សាសន៍បានស្គាល់ព្រះគ្រីស្ទ     ដោយតេជះនៃព្រះវិញ្ញាណព្រះអង្គ    ។