ពេលនេះអ្នកមិនទាន់ខកជ្រុលទេ ( ខ ១៣០ )

១.សព្វថ្ងៃមានផ្លូវពីរ       ណាបងប្អូនអើយ       អឺងអឺយ       (ស្ទួន)
ផ្លូវលោកិយហើយ              និងផ្លូវមួយទៀតគឺផ្លូវព្រះ          អឺងអឺយ     ។ 
សូមពិចារណា    ជ្រើសរើសឲ្យបានច្បាស់    អឺងអឺយ      (ស្ទួន)
យកតាមផ្លូវព្រះ              ឬចង់ជម្នះយកលោកិយ      អឺងអឺយ             ។ 

២.ផ្លូវព្រះនាំយើង       ឡើងទៅឋានសួស្ដី        អឺងអឺយ       (ស្ទួន)
តាមឈើឆ្កាងនៃ                ព្រះយេស៊ូវគ្រីស្ទរៀបចំទុក  អឺងអឺយ            ។ 
ព្រះគ្រីស្ទជាផ្លូវ     ជាសា្ពនឆ្លងទៅមុខ           អឺងអឺយ         (ស្ទួន)
ឆ្ពោះទៅឋានសុខ                  អស់កល្បនៃព្រះវរបិតា        អឺងអឺយ     ។ 

៣.ផ្លូវលោកិយនាំយើង     ទៅឋានវេទនា           អឺងអឺយ     (ស្ទួន)
មានមនុស្សច្រើនគ្នា                 កំពុងតែខំយាត្រាទៅ       អឺងអឺយ។ 
មើលឃើញថាល្អ      ឥតដឹងជា     រណ្ដៅ          អឺងអឺយ          (ស្ទួន)
ដល់ចុងផុតផ្លូវ                  ស្រាប់តែធ្លាក់ទៅក្នុងបឹងភ្លើង     អឺងអឺយ     ។ 

៤.ពេលនេះអ្នកមិនទាន់ខកខ្លួន       ជ្រុលជើង        អឺងអឺយ    (ស្ទួន)
សូមបែរឆាប់ឡើង                 យកផ្លូវព្រះគ្រីស្ទរួចគ្រោះថ្នាក់   អឺងអឺយ        ។ 
ផ្លូវទ្រង់ងាយដើរ     ត្រង់រាបស្មើដល់ជាក់          អឺងអឺយ         (ស្ទួន)
ទ្រង់ចាំជូនអ្នក                   កុំនៅស្ទើរសា្ទក់ក្រែងខកប្រាណ    អឺងអឺយ        ។