ជួបព្រះជារៀងរហូត ( ខ ១៥០ )

១.អាយុរបស់មនុស្សលើលោកា            ប្រៀបដូចបុបា្ផនៅតាមទីវាល 
ពេលព្រឹកផ្ការីកស្រស់ល្អត្រកាល     លុះពេលរសៀលផ្ការុះរោយអស់ 
(លុះពេលរសៀលផ្ការុះរោយអស់)  ។ 

២.ទាំងផ្កាមានក្លិនទាំងផ្កាអត់ក្លិន            ដល់ពេលរោយហិនហោចស្វិតក្រៀមក្រោះ 
ទោះខំជ្រោយដីដាក់ជីឲ្យរស់           ឬស្រោចទឺកបោ្រះក៏អស់ផ្លូវកែ 
(ឬស្រោចទឺកប្រោះក៏អស់ផ្លូវកែ)   ។ 

៣.ជីវិតរបស់មនុស្សលើលោកា         ថ្លៃជាងបុបា្ផឬយ៉ាងណាដែរ? 
មនុស្សមានវិញ្ញាណសម្រាប់រិះរេ     ជ្រើសរើសវិលបែររកព្រះសង្គ្រោះ 
(ជ្រើសរើសវិលបែររកព្រះសង្គ្រោះ)  ។ 

៤.មនុស្សមានរូបកាយព្រលឹងវិញ្ញាណ        ពេលស្លាប់រូបប្រាណគ្មានប្រយោជន៍សោះ 
សាច់ឈាមក្លាយជាធូលីដីអស់       ព្រលឹងនៃមនុស្សស្រេចតែលើព្រះ 
(ព្រលឹងនៃមនុស្សស្រេចតែលើព្រះ)។ 

៥.ខ្ញុំជាគ្រីស្ទានរស់មានសង្ឃឹម        ទឹកមុខញញឹមប្រិមប្រីយល្អល្អះ 
ស្លាប់ទៅថ្ងៃនេះខ្ញុំដឹងជាក់ច្បាស់           ថាបានជួបព្រះជារៀងរហូត 
(ថាបានជួបព្រះជារៀងរហូត)   ។