ឱ! សេចក្តីស្រឡាញ់របស់ព្រះ (ខ ៣២)

១. មើលដួងចន្ទ្រា  រះភ្លឺថ្លា             លើវេហាស៍  ស្រទន់  ដួងរស្មី 
ចាំងបំភ្លឺ  លោកពេលរាត្រី      ជាដួងរស្មី  ព្រះប្រទាន 
ឲ្យចិត្តមនុស្សគ្រប់ប្រាណ       បានក្ដីកំសាន្ត  ក្នុងភព   ងងឹត  ។ 

២. ដួងពន្លឺច័ន្ទ  ធំអស្ចារ្យ               សព្វលោកា ដូចក្ដី  ស្រឡាញ់ពិត 
ព្រះគ្រីស្ទស្នេហ៍  លោកិយជាប់ស្និទ្ធ    ត្រាលះជីវិត  បង់ព្រះជន្ម 
ទ្រង់ស្រឡាញ់លើសលន់      ផ្សព្វផ្សាយព្រះគុណ    ដោយក្ដីមេ  ត្តា។ 

៣. ឱក្ដីស្រឡាញ់  របស់ព្រះ                សំដែងច្បាស់   ឲ្យឃើញ   យ៉ាងអស្ចារ្យ 
ភាពស្រទន់  ដូចដួងច័ន្ទថ្លា         លើកលែងទោសា  ប្រោសកូនស្ងួន 
ថ្វាយអង្គទ្រង់ឲ្យធួន      ថ្លៃលោះបាបកូន  ដោយព្រះ   លោហិត ។ 

៤. តើមានអ្នកណា   វាស់ថ្លឹងបាន             ប៉ាន់ប្រមាណ   ស្នេហ៍ទ្រង់  លើសជីវិត 
ច័ន្ទរះឆា្ងយ  ភ្លឺសាយមកជិត      ដូចភាពស្នេហ៍ស្និទ្ធ   ពីឋានសួគ៌ 
ដ្បិតទ្រង់ហើយជាតួ          នៃសេចក្ដីស្រឡាញ់  ដ៏ប   រិសុទ្ធ ។