ខ្ញុំចង់នៅជិតព្រះអង្គ ( ខ ២១៣ )

១.ខ្ញុំចង់នៅជិតទ្រង់  ឱព្រះយេស៊ូវគ្រីស្ទអើយ សូមទ្រង់ប្រោសមេត្តាឲ្យខ្ញុំ 
បាននៅជិតជាប់ជាមួយព្រះអង្គ     នោះព្រលឹងខ្ញុំបាន 
ឆ្អែតស្កប់ស្កល់ស្រាកស្រាន្ត  ដោយព្រះគុណដែលទ្រង់បានផ្តល់មកផង 
សូមជួយកែតម្រង់     ដោយព្រះទ័យប្រណីមេត្តាអាណិត     ។ 

២.ខ្ញុំចង់នៅជិត   ទ្រង់ជិតជានិច្ចរាល់ថ្ងៃ   ឲ្យទ្រង់ឆ្នៃសូនប៉ាន់ព្រលឹង 
ផងខ្ញុំដែលខូចខ្ទេចខ្ទាំជាពិត       ខ្ញុំចង់តាមទ្រង់ណាស់ 
ចង់ស្គាល់ព្រះអង្គច្បាស់        ដើម្បីបានប្រកបនឹងទ្រង់យ៉ាងស្និទ្ធ 
សូមនាំខ្ញុំមកជិត     ដាក់នៅជាប់ហើយផ្អោបនឹងព្រះឱរា      ។ 

៣.ខ្ញុំចង់នៅជិតទ្រង់   ចង់បានកម្លាំងថ្មី  កម្លាំងខាងសាច់ឈាមនោះមាន 
ប្រយោជន៍បានត្រឹមនៅនាលោកា      បើកម្លាំងទ្រង់ឲ្យ 
ខ្ញុំនឹងមិនដែលខ្សោយ       ជាកម្លាំងដ៏មានអំណាចចេសា្ត 
ឱព្រះដ៏អស្ចារ្យ      សូមជួយខ្ញុំឲ្យមានកម្លាំងវិញ្ញាណ      ។ 

៤.ខ្ញុំចង់នៅជិតទ្រង់      ដើម្បីបានបម្រើ      តាមតែទ្រង់ចង់ប្រើឲ្យខ្ញុំ 
ធ្វើការយ៉ាងណាដែលល្អរកគ្មាន    គឺកិច្ចការយ៉ាងធំ 
ការប្រសើរឧត្តម      ដែលអាចជួយឲ្យមនុស្សផ្លាស់ប្រែចិត្តបាន 
ឲ្យគេបែរវិលថ្កាន       មកឯព្រះសង្គ្រោះដ៏មានចេសា្ត    ។