តង្វាយខ្ញុំថ្វាយស្ម័គ្រពីចិត្ត ( ខ ២២៤ )

១.តង្វាយខ្ញុំថ្វាយស្ម័គ្រពីចិត្ត    ឥតមាននឹកគិតពីក្រក្រី 
ថ្វាយច្រើនកើតច្រើនចម្រើនវ័យ   ព្រះសព្វហឫទ័យឲ្យខ្ញុំថ្វាយ ។ 

២.ទ្រព្យកណ្តៀរកោរកណ្តុរកាត់       ថ្វាយព្រះមិនបាត់មិនបង់ឡើយ 
ទឹកភ្លៀងធ្លាក់ចុះដល់ដីហើយ    ព្រះប្រទានឲ្យកើតផ្លែផ្កា ។ 

៣.ខ្វល់ខ្វាយធ្វើអ្វីហួសប្រមាណ          មើលសត្វតិរចា្ឆនព្រះរក្សា 
ចំណែករូបខ្ញុំទ្រង់មេត្តា               លើសជាងបក្សាព្រះផ្គត់ផ្គង់ ។ 

៤.អរគុណព្រះអង្គខ្ញុំសូមថ្វាយ          ជីវិតរូបកាយថ្វាយដល់ទ្រង់ 
ថ្វាយស្ម័គ្រពីចិត្តដោយស្មោះត្រង់      បម្រើព្រះអង្គរៀងរហូត ។