ពេលទ្រង់តាំងរាជ្យ ( ខ ៧៧ )

១.ព្រះយេស៊ូវគ្រីស្ទ ទ្រង់នឹងតាំងរាជ្យ ដោយឬទ្ធិអំណាច មានតេ     ជះល្បី 
រាជ្យទ្រង់តាំងឡើង គ្រប់គ្រងលើលោកិយ  គ្រប់សត្វនិងមនុស្សប្រុសស្រី 
បានក្ដីសុខក្សេមក្សាន្ដ ។ 

២.រាជ្យតាំងឡើងហើយ មានភាពរុងរឿង ផែនដីថ្កុំថ្កើង ដូចសួគ៌   វិមាន 
ទាំងពួកបរិសុទ្ធ បានរុងរឿងថ្កើងថ្កាន ដ្បិតព្រះទ្រង់ប្រោសប្រទាន 
ឯកសិទ្ធធំឧត្តម ។ 

៣.ក្នុងរាជ្យព្រះអង្គ មានសន្ដិភាព គ្មានអំពើបាប កំផិតលួច បន្លំ 
មានតែសុចរិត ដ្បិតអង្គទ្រង់ជាធំ ហើយទ្រង់ធ្វើការដឹកនាំ 
ដោយឫទ្ធិដំបងដែក ។ 

៤.នគរទ្រង់ធំពេញ សព្វលោកិយ  វាតទីធំក្រៃ  ទ្រង់ជា ក្សត្រឯក 
ដ្បិតទ្រង់មានជ័យ   រាស្ដ្រទ្រង់អាចពឹងផ្អែក  ហើយឲ្យទទួលចំណែក 
ក្នុងរាជ្យដ៏ឋិតថេរ ។