ទ្រង់ខំតាមរកខ្ញុំ ( ខ ៤៨ )

១. ទ្រង់ខំតាមរកខ្ញុំ       ព្រះយេស៊ូវអើយ       អង្គទ្រង់មានឈាមដាប 
ទ្រង់ខំតាមរកខ្ញុំ       ព្រះយេស៊ូវអើយ       អង្គទ្រង់មានឈាមដាប    
ទ្រង់តាមហៅខ្ញុំ  ឲ្យបានចេញផុតពីមេបាប   មានសេរីភាព  ដើរតាម  ផ្លូវត្រង់  ។ 

២. ទ្រង់ត្រូវរងរបួស     ព្រះយេស៊ូវអើយ     ដោយព្រោះទ្រង់លះបង់     
ទ្រង់ត្រូវរងរបួស    ព្រះយេស៊ូវអើយ     ដោយព្រោះទ្រង់លះបង់   
ខំតាមរកខ្ញុំ  ដែលបានទាសចេញពីព្រះអង្គ    រងវេទនាផង  នៅកាល់  វ៉ារី  ។ 

៣. ទ្រង់ត្រូវគេធ្វើគុត   ព្រះយេស៊ូវអើយ     អង្គទ្រង់ត្រូវជាន់ឈ្លី    
ទ្រង់ត្រូវគេធ្វើគុត   ព្រះយេស៊ូវអើយ     អង្គទ្រង់ត្រូវជាន់ឈ្លី   
លោហិតហូរចុះ   សងថ្លៃប្រោសលោះខ្ញុំពេញទី   រួចក្ស័យជីវី  នៅលើ  ឈើឆ្កាង  

៤. ទ្រង់ស៊ូក្ស័យជួសខ្ញុំ    ព្រះយេស៊ូវអើយ    ដោះបាបខ្ញុំគ្រប់យ៉ាង  
ទ្រង់ស៊ូក្ស័យជួសខ្ញុំ    ព្រះយេស៊ូវអើយ    ដោះបាបខ្ញុំគ្រប់យ៉ាង     
ព្រោះស្រឡាញ់ខ្ញុំ   ស៊ូស្លាប់ជំនួសជាភស្ដុតាង   ឈាមទ្រង់លុបលាង   អោយខ្ញុំ  បរិសុទ្ធ     ។