ព្រះអម្ចាស់យេស៊ូវអើយ ( ខ ២១០ )

១.ព្រះអម្ចាស់យេស៊ូវអើយ    ខ្ញុំស្រឡាញ់ព្រះអង្គខ្លាំងណាស់ 
សូមទទួលព្រះអង្គទុកជាម្ចាស់    លើជីវិតខ្ញុំដោយស្ម័គ្រស្មោះ      ។ 
ព្រះអម្ចាស់យេស៊ូវអើយ         ខ្ញុំសូមថ្វាយព្រលឹងទាំងអស់ 
រៀងរាល់ថ្ងៃសូមទ្រង់មេត្តាប្រោស    ឲ្យខ្ញុំរស់សម្រាប់ទ្រង់មួយ   ។ 

២.ព្រះអម្ចាស់យេស៊ូវអើយ    គឺទ្រង់ហើយដែលសង្គ្រោះខ្ញុំ 
ដោយរងទុក្ខជួសខ្ញុំអ្នកទោសធំ    បង់ព្រះជន្មលោះទោសខ្ញុំហើយ  ។ 
ព្រះអម្ចាស់យេស៊ូវអើយ     ទ្រង់ស្រឡាញ់មិនចេះប្រែឡើយ 
ចងចិត្តខ្ញុំឲ្យស្រឡាញ់ទ្រង់ហើយ  ក្រែងកន្តើយជួយឲ្យជាប់នៅ   ។