កំណើតបាបមនុស្សលោក ( ខ ៩២ )

១.អ័ដាមអេវ៉ា    មាតាបិតាលោក    ព្រះបង្កើតមកពីល្អងធូលី 
ទ្រង់ប្រទានពរឲ្យរស់គ្រងធរណី   តែលោកទាំងពីររំលងច្បាប់ព្រះ  ។ 

ដោយសារចាញ់កល    ល្បិចពស់លួងលោម   ចិត្តឆោតយល់ព្រម 
ស៊ីផ្លែឈើព្រះហាមច្បាស់   ទើបទ្រង់បណ្ដេញ   ឲ្យចេញស្រឡះ 
ពីសួនច្បារព្រះ  ឃ្លាតដើមជីវិត  ។ 

២.តាំងពីនោះមកមនុស្សលោកធ្លាក់ក្នុងបាប ហើយក៏ត្រូវស្លាប់បាត់បង់ជាពិត 
បានឆ្លងរាលដាលគ្រប់គ្នាសូន្យជីវិត  រងទុក្ខថេរឋិតក្នុងភ្លើងនរក     ។ 

តែព្រះស្រឡាញ់   មនុស្សនៅក្នុងលោក  ចង់ឲ្យបែរមក 
តាមទ្រង់ទើបបានក្ដីសុខ កាន់ក្រិត្យវិន័យ  ធ្វើតាមគ្រប់មុខ 
នុ៎ះទ្រង់ដោះទុក្ខ    ដោយក្ដីមេត្តា  ។ 

៣.ប៉ុន្ដែមនុស្សលោក ចេះតែប្រព្រឹត្តខុស ព្រោះខ្សោយជ្រុលជ្រួសរំលងសញ្ញា 
ទើបទ្រង់ប្រទានអង្គព្រះរាជបុត្រា មកក្នុងលោកាយកភាពជាមនុស្ស។ 

ទ្រង់មកហើយផ្សាយនូវព្រះបន្ទូល បញ្ចុះបញ្ចូល រួចទទួលស្លាប់ជំនួស 
អ្នកណាព្រមជឿតាម បានសង្គ្រោះ  ទ្រង់ប្រោសឲ្យរស់ជីវិតអស់កល្ប។