ខ្ញុំទុកចិត្តលើទ្រង់ហើយ ( ខ ២០៨ )

១.ខ្ញុំទុកចិត្តលើទ្រង់ហើយ  ព្រះអម្ចាស់យេស៊ូវអើយ សូមទ្រង់ជួយដឹកដៃ នាំខ្ញុំដើរក្រេមកេម្តៅថ្ងៃ 
ឆ្លងកាត់ស្បៃរាត្រី ឲ្យផុតពីដៃខ្មាំង ទោះមានភ័យយ៉ាងណា ខ្ញុំដឹងថាឈាមទ្រង់ជាទីអាង 
ជួយគ្របបាំង លុបការអាស្រូវ  ឈាមជួយគ្របបាំង លុបការអាស្រូវ ។ 

២.ខ្ញុំទុកចិត្តលើទ្រង់ហើយ ព្រះអម្ចាស់យេស៊ូវអើយ សូមនាំខ្ញុំដើរទៅ ខ្ញុំដឹងច្បាស់ថាទ្រង់រៀបផ្លូវ 
ដែលអាចនាំខ្ញុំទៅ ដល់ទីដៅសុខសាន្ត ទោះឧបស័គ្គយ៉ាងណា ខ្ញុំដឹងថាឈើឆ្កាងទ្រង់ជាសា្ពន 
អាចឆ្លងបាន ផុតជ្រោះមរណា ខ្ញុំអាចឆ្លងបាន ផុតជ្រោះមរណា   ។ 

៣.ខ្ញុំទុកចិត្តលើទ្រង់ហើយ ព្រះអម្ចាស់យេស៊ូវអើយ សូមទ្រង់បោសមេត្តា ដឹកដៃខ្ញុំកាត់ភាពអន្ឋិកា 
នាំខ្ញុំចរយាត្រា  ដល់ត្រើយនៃជីវិត ទោះគ្រោះថ្នាក់យ៉ាងណា ខ្ញុំដឹងថាទ្រង់ជាមិត្តជិតស្និទ្ធ 
ប្តូរជីវិត  រងគ្រោះជួសខ្ញុំ ទ្រង់ប្តូរជីវិត រងគ្រោះជួសខ្ញុំ ។ 

៤.ខ្ញុំទុកចិត្តលើទ្រង់ហើយ ព្រះអម្ចាស់យេស៊ូវអើយ សូមជួយទូលបង្គំ ខ្ញុំវង្វេងក្នុងសាគរធំ 
សូមទ្រង់ជួយនាំខ្ញុំ  ឲ្យជួបនឹងកោះត្រើយ ទោះបីព្យុះយ៉ាងណា  ខ្ញុំដឹងថាទ្រង់គង់ជិតបង្កើយ 
ចាំហុចដៃ ស្រង់យកខ្ញុំឡើង ទ្រង់ចាំហុចដៃ ស្រង់យកខ្ញុំឡើង  ។