ក្នុងព្រះហស្តទ្រង់ ( ខ ២១៩ )

១.ក្នុងព្រះហស្តទ្រង់ ក្តាប់បិទបាំងខ្ញុំឲ្យផុតពីទុក្ខ ទោះបីមានភ្លៀង ហើយខ្យល់ព្យុះបក់បោកគំហុក 
គង់តែខ្ញុំទុកចិត្តដល់ទ្រង់គ្មានភ័យវិតក្ក ខ្ញុំបានក្តីសុខ ដោយសារស្នាមរបួសទ្រង់ ។ 

បន្ទរ.ឱ!ព្រះអម្ចាស់ព្រះយេស៊ូវអើយ ខ្ញុំមិនភ្លេចឡើយព្រះគុណព្រះអង្គ នៅលើឈើឆ្កាង  
ទ្រង់បានស្ម័គ្រព្រះទ័យប្តូរបង់ លះព្រះជន្មទ្រង់ព្រោះចង់សង្គ្រោះរូបខ្ញុំ         ។ 

២.ក្នុងព្រះហស្តទ្រង់ ខ្ញុំមានទីអាងគួរកក់ក្តៅណាស់ ពេលមានទុក្ខព្រួយ ទ្រង់ជួយឲ្យធូរស្បើយស្រឡះ 
ឲ្យចិត្តខ្ញុំឈ្នះលើអស់ទាំងក្តីរងវេទនា ពេលឈឺគ្រាំគ្រាទ្រង់ជាគ្រូពេទ្យពូកែ  ។ 

បន្ទរ.ឱ!ព្រះអម្ចាស់ព្រះយេស៊ូវអើយ ខ្ញុំមិនភ្លេចឡើយព្រះគុណព្រះអង្គ នៅលើឈើឆ្កាង       
ទ្រង់បានស្ម័គ្រព្រះទ័យប្តូរបង់ លះព្រះជន្មទ្រង់ព្រោះចង់សង្គ្រោះរូបខ្ញុំ          ។ 

៣.ក្នុងព្រះហស្តទ្រង់ ត្រចៀកខ្ញុំផ្ចង់សា្តប់ព្រះសូរសៀង ដាស់តឿនណែនាំ  ឲ្យខ្ញុំរស់ថ្វាយទ្រង់ឥតល្អៀង 
ខ្ញុំមានអំណរហើយចង់សរសើរទ្រង់ដោយសៀង  ទោះបីព្យុះភ្លៀង ខ្ញុំច្រៀងក្នុងព្រះហស្តទ្រង់  ។ 

បន្ទរ.ឱ!ព្រះអម្ចាស់ព្រះយេស៊ូវអើយ ខ្ញុំមិនភ្លេចឡើយព្រះគុណព្រះអង្គ នៅលើឈើឆ្កាង 
ទ្រង់បានស្ម័គ្រព្រះទ័យប្តូរបង់ លះព្រះជន្មទ្រង់ព្រោះចង់សង្គ្រោះរូបខ្ញុំ          ។