តើអ្នកចង់បានជាស្អាតឬទេ? ( ខ ១០៨ )

១.តើអ្នកចង់បានជាស្អាតឬទេ?    កុំនៅគិតគ្នេហ៍នាំឲ្យខកអី 
ព្រះយេស៊ូវរង់់ចាំប្រោសអ្នកថ្លៃ     ចូលមកឃ្មាតខ្មីឯព្រះអង្គចុះ   ។ 

២.ទ្រង់ប្រោសរោគឃ្លង់ស្រកីអណ្ដែង  ឆ្កួតស្កន់កាច់ឯងដួលឥតងើបសោះ 
រោគខ្វិនថ្លង់ខ្វាក់អារក្សនាំឆ្ពោះ   ផ្នូរខ្មោចឯណោះឲ្យស្លាប់តាយហោង ។ 

៣.រោគនៅខាងក្នុងឥតដឹងខ្លួនទេ    ដោយចិត្តធំទ្វេអួតអាងកន្លង 
ក៏កាចសាហាវឈា្លនញនអ្នកផង     លោភលន់ប៉ុនប៉ងតែទ្រព្យលោកិយ   ។ 

៤.ព្រះអង្គប្រោសអ្នកឲ្យជាស្រឡះ   ប្រញាប់រូតរះតើសា្ទក់ស្ទើរអី 
បើអ្នកចង់ជាចូលមកឃ្មាតខ្មី  ទ្រង់មានខន្ដីហើយស្រឡាញ់មនុស្ស  ។ 

៥.ព្រះអង្គតែងប្រោសមិនចោលអ្នកទៅ អ្នកនឹងរស់នៅបើព្រះអង្គលោះ 
ពីអំណាចស្លាប់ជៀសមិនផុតសោះ ទ្រង់ស្រាយហើយអស់គ្មានសេសសល់អ្វី  ។ 

៦.ទ្រង់ប្រោសអ្នកជាស្អាតរោគបាបកម្ម  ដែលមានប្រចាំគ្រប់មនុស្សប្រុសស្រី 
បើបានជាស្អាតក៏មានសេរី រង់ចាំតែថ្ងៃទ្រង់មកយកទៅ ។