ព្រះគ្រីស្ទបានមក ( ខ ៩៥ )

១.ព្រះគ្រីស្ទបានមក  នាំយកអំណរ   ឲ្យចិត្តយើងត្រេកអរ ដោយលោះយើងគ្រប់គ្នា
ព្រះយេស៊ូសង ថ្វាយអង្គទ្រង់លើ អាសនាទុកជាគ្រឿងយញ្ញបូជា      
ឲ្យរួចបាបគ្រប់គ្នា     រួចដោយជឿស្មោះ    ។ 

២.មើលក្ដីស្រឡាញ់  នៃព្រះបិតា  ប្រទានរាជបុត្រា យេស៊ូឲ្យមកប្រោស
 ទ្រង់មានអំណាច  ស្លាប់មិនអាចឈ្នះទ្រង់សោះ ការល្បួងល្បងទ្រង់ជួយដោះ     
ស្អាងព្រលឹងឲ្យរស់     អស់កល្បឥតផុត    ។ 

៣.ទ្រង់មកហៅយើង ចូលក្នុងពន្លឺ បាត់ងងឹតហើយជឿ ចាំទីក្រុងបរិសុទ្ធ
ព្រះគ្រីស្ទជាក្សត្រ ម្ចាស់ក្រុងរុងរឿងបំផុត ឲ្យយើងចាំយាមអត់ធ្មត់ 
ដល់ពេលទ្រង់កំណត់   មកយកទៅពិត    ។ 

៤.អស់អ្នកមានចិត្តចង់ ទទួលទ្រង់ សូមឆាប់យាងព្រះអង្គ ឲ្យចូលគង់ក្នុងចិត្ត
ទ្រង់នៅមាត់ទ្វារ គោះគ្រប់គ្រាទ្វារចិត្តមិត្ត ព្រះវិញ្ញាណសុំសណ្ឋិត      
ជាជំនួយជីវិត  ដល់កូនព្រះអង្គ     ។