ភក្តីព្រះអង្គ (ខ ១២៧)

១.ភក្ដីព្រះអង្គឧត្តម       បន្ទូលសក្តិសមផ្អែមពិរោះ 
លោះបាបគ្រប់មនុស្សឲ្យបានរស់       រងគ្រោះសុគតលើឈើឆ្កាង ។ 

២.ស៊ូទ្រាំលំបាកគ្រប់ដង្ហើម       ឧបសគ្គសម្បើមមានគ្រប់យ៉ាង 
ទ្រង់មិនដែលខ្វល់នឹងតតាំង          នាំមនុស្សឲ្យស្អាងចិត្តមេត្រី ។ 

៣.អំពើទុច្ចរិតទ្រង់សន្ដោស        ព្រោះគេយល់ខុសគួរប្រណី 
បើចូលស្ដាប់ជិតយល់សេចក្ដី         ផ្ដើមជីវិតថ្មីដោយបន្ទូល ។ 

៤.មនុស្សឆ្មើងព្រហើនទ្រង់មិនខ្លាច    ព្រោះមានអំណាចសាតាំងចូល 
ព្រះទយ័សន្ដោសប្រោសដោយយល់       បើទ្រង់មិនខ្វល់ត្រូវវិនាស ។