ខ្ញុំជឿថាព្រះគ្រីស្ទជាព្រះបុត្រា ( ខ ៧១ )

១.ខ្ញុំជឿថាព្រះគ្រីស្ទជាព្រះបុត្រា       មកប្រសូតយកជាតិជាមនុស្ស 
មកដើម្បីនឹងធ្វើការប្រោសលោះ       មនុស្សមានបាបឲ្យរួចពីទោសធ្ងន់     ។ 

២.ខ្ញុំជឿថាព្រះអង្គទទួលរងទុក្ខ        ជួសមនុស្សលោកឲ្យរួចទារុណ 
ទ្រង់សុគតរួចរស់មានព្រះជន្ម          អ្នកបាបធ្ងន់ទ្រង់ប្រោសឲ្យស្អាតបាន    ។ 

៣.ខ្ញុំជឿជាក់ថាទ្រង់ប្រោសខ្ញុំឲ្យរស់         ដល់ថ្ងៃនោះទ្រង់មកមិនខាន 
មកប្រោសខ្ញុំទោះស្លាប់ហើយឲ្យបាន         រស់វិញថ្កាននាំចូលឋានសួស្ដី         ។