ទ្រង់រស់នៅសព្វថ្ងៃ ( ខ ៥៩ )

១. ខ្ញុំដឹង   ថាព្រះសង្គ្រោះ   មានព្រះជន្មរស់    ទ្រង់រស់សព្វថ្ងៃ 
នៅថ្ងៃអាទិត្យ    ជាថ្ងៃទីបី    ពួកសិស្សស្រីៗ   ទៅផ្នូរទាំងព្រឹក 
គេរកសពព្រះអង្គមិនឃើញ     (គេរកសពព្រះអង្គមិនឃើញ) 
មានចិត្តឆ្ងល់ពិភាល់ពន្លឹក         (មានចិត្តឆ្ងល់ពិភាល់ពន្លឹក) 
ស្រាប់តែឮទេវតារំឮក               (ស្រាប់តែឮទេវតារំឮក) 
ថាព្រឹកនេះឯងទ្រង់រស់វិញ	  ។ 

២. ខ្ញុំដឹង   ថាព្រះសង្គ្រោះ      មានព្រះជន្មរស់    ទ្រង់រស់សព្វថ្ងៃ 
ម្ដងនោះថូម៉ាស់      មានចិត្តនឹកម៉ៃ    សា្មនថាទ្រង់ក្ស័យ   ក្លាយជាខ្មោចហើយ 
មានភស្ដុតាងអះអាងជាក់ច្បាស់   (មានភស្ដុតាងអះអាងជាក់ច្បាស់) 
ថាព្រះគ្រីស្ទមិនមែនខ្មោចឡើយ   (ថាព្រះគ្រីស្ទមិនមែនខ្មោចឡើយ) 
ថូម៉ាស់ស្ទាបរបួសទ្រង់ហើយ      (ថូម៉ាស់ស្ទាបរបួសទ្រង់ហើយ) 
ទើបព្រមឆ្លើយថាទ្រង់រស់ពិត  ។ 

៣. ខ្ញុំដឹង   ថាព្រះសង្គ្រោះ   មានព្រះជន្មរស់    ទ្រង់រស់សព្វថ្ងៃ 
មានមនុស្សច្រើនណាស់    មន្ទិលសង្ស័យ    ថាព្រះម្ចាស់ថ្លៃ  មិនរស់វិញឡើយ 
ទ្រង់លេចមកឯពួកសាវក     (ទ្រង់លេចមកឯពួកសាវក) 
ឲ្យឃើញជាក់ផ្ទាល់នឹងភ្នែកហើយ    (ឲ្យឃើញជាក់ផ្ទាល់នឹងភ្នែកហើយ) 
គេលែងភ័យលែងខ្លាចលែងល្វើយ   (គេលែងភ័យលែងខ្លាចលែងល្វើយ) 
ដ្បិតដឹងហើយថាទ្រង់រស់ពិត   ។ 

៤. ខ្ញុំដឹង   ថាព្រះសង្គ្រោះ   មានព្រះជន្មរស់   ទ្រង់រស់សព្វថ្ងៃ 
មនុស្សរាប់លាននាក់  ធ្វើជាសាក្សី   ប្រាប់ដល់លោកិយ   ថាទ្រង់រស់ពិត 
អស់អ្នកណាដែលជឿព្រះអង្គ   (អស់អ្នកណាដែលជឿព្រះអង្គ) 
វិញ្ញាណទ្រង់មកគង់សណ្ឋិត     (វិញ្ញាណទ្រង់មកគងសណ្ឋិត) 
ទ្រង់ប្រោសប្រទានជីវិត              (ទ្រង់ប្រោសប្រទានជីវិត) 
រស់ថេរឋិតក្សេមក្សាន្ដអស់កល្ប  ។