ត្បូងទ្រង់រើស ( ខ ២៥០ )

១.មុនជឿព្រះអង្គ​ នោះខ្ញុំជាត្បូងមួយគ្រាប់កប់ដី មុនជឿព្រះអង្គ នោះខ្ញុំជាត្បូងមួយគ្រាប់កប់ដី		 
កប់ក្នុងបាបជ្រៅក្រៃ តែមានមួយថ្ងៃទ្រង់ជីកយកបាន។ 

២.បើគ្មានព្រះអង្គ ខ្ញុំពិតជាត្បូងឥតអ្នករាប់អានបើគ្មានព្រះអង្គ ខ្ញុំពិតជាត្បូងឥតអ្នករាប់អាន 
រស្មីមិនដែលមាន តែទ្រង់ឆ្នៃប៉ាន់ទើបឆ្លុះពន្លឺ ។ 

៣.ទ្រង់កាត់ឆិតជ្រុង ខាត់ឲ្យរលោងចេញរស្មីភ្លឺ ទ្រង់កាត់ឆិតជ្រុងខាត់ឲ្យរលោងចេញរស្មីភ្លឺ	 
ទ្រង់ប្រើពេលផ្ចង់ធ្វើ ឆាបខាត់ឡើងភ្លឺជាត្បូងយ៉ាងខ្ញង់ ។ 

៤.ខ្ញុំដឹងប្រាកដ ថាខ្ញុំទ្រាំអត់ពេលជឿព្រះអង្គ	 ខ្ញុំដឹងប្រាកដ ថាខ្ញុំទ្រាំអត់ពេលជឿព្រះអង្គ	 
ទុក្ខលំបាកល្បួងល្បង ការបៀតបៀនផងគួរឲ្យតក់ស្លុត ។ 

៥.ខ្ញុំស៊ូទ្រាំទ្រ ព្រោះមានអំណរក្នុងចិត្តបរិសុទ្ធ ខ្ញុំស៊ូទ្រាំទ្រ ព្រោះមានអំណរក្នុងចិត្តបរិសុទ្ធ 
ដ្បិតខ្ញុំដឹងប្រាកដ ថាដល់កំណត់ទ្រង់លើកខ្ញុំឡើង ។ 

៦.ទ្រង់លើកត្បូងតាំង ឲ្យរស្មីចាំងលើម្កុដថ្កុំថ្កើង ទ្រង់លើកត្បូងតាំង ឲ្យរស្មីចាំងលើម្កុដថ្កុំថ្កើង 
នៅឋានសួគ៌រុងរឿង ទ្រង់តាំងខ្ញុំឡើងឲ្យភ្លឺអស់កល្ប ។