សែនសប្បាយរីករាយ ( ខ ២៤១ )

១.សែនសប្បាយរីករាយ	យើងអើយជាកូនព្រះពិត ព្រោះយើងមានជីវិត 
ដោយព្រះយេស៊ូវប្រោសលោះ តាំងជាកូននៃព្រះ ជាម្ចាស់លើគ្រប់ទាំងអស់ 
ដោយព្រះគុណដ៏ស្មោះ ទ្រង់ធ្វើនៅកាល់វ៉ារី ។ 

២.មានតែក្តីអំណរ ហូរមកដូចខ្សែទឹកជន់ វិសេសលើសទ្រព្យធន 
ដែលមនុស្សខំប្រឹងសំភី យកទុកជាអំណរ សា្មនបានក្សាន្តក្នុងជីវី 
ធ្ងន់ដូចផ្ទុកគីរី ខុសពីអំណរនៃព្រះ ។ 

៣.សែនសប្បាយរីករាយ យើងអើយមានសិទ្ធសេរី មានច្បាប់ចូលរាល់ថ្ងៃ 
ទៅដល់នៅចំពោះព្រះ សូមអ្វីៗពីទ្រង់ ព្រះទ័យព្រះអង្គល្អណាស់ 
សូមទាំងឫទ្ធិតេជះ យកឈ្នះលើចិត្តបាបជន ។ 

៤.មានតែក្តីអំណរ ធ្វើការបម្រើព្រះអង្គ ដោយក្តីស្រឡាញ់ផង 
ពីព្រះដ៏មានព្រះគុណ គ្មានភ័យព្រួយតក់ស្លុត នឹងខ្មាំងប៉ងធ្វើទារុណ 
ដ្បិតអំណរជោរជន់ គ្របបាំងការទុក្ខព្រួយអស់ ។ 

៥.សែនសប្បាយរីករាយ	យើងអើយមានព្រះដ៏ពិត		ទ្រង់គ្រប់គ្រងជីវិត 
បាបមិនដែលឈ្នះយើងសោះ	មរតកទ្រង់បម្រុង	ទុកឲ្យគ្រប់គ្រងទាំងអស់ 
ដ្បិតយើងត្រូវប្រោសលោះ	បានជីវិតថ្មីពីព្រះ	។