សូមនាំខ្ញុំ ( ខ ២១៤ )

១.ព្រះអម្ចាស់អើយ កុំចោលខ្ញុំឡើយ សូមដឹកនាំទៅ ឲ្យដើរត្រង់ផ្លូវ ដូចអ្នកគង្វាលនាំចៀមទៅមុខ    ។ 

២.ខ្ញុំមកពឹងជ្រក​ ឲ្យផុតទុក្ខសោក  សូមផ្តល់ក្តីសុខ ហើយយាងនាំមុខ នាំជៀសផុតទុក្ខផុតបាបសៅហ្មង ។ 

៣.ផ្លូវលោកគ្រោះថ្នាក់ មានខ្មាំងចាំសា្ទក់ ព័ទ្ធវាយចាប់ចង ជាផ្លូវបាត់បង់ ខ្ញុំអាចដើរឆ្លងដោយទ្រង់នាំទៅ  ។ 

៤.ខ្ញុំជាចៀមទ្រង់ ចៀមតូចខ្លៅល្ងង់ ច្រើនរង្វេងផ្លូវ សូមទ្រង់តម្រូវ ឲ្យខ្ញុំដើរទៅចំក្រោលទ្រង់រៀប     ។