ចូរកុំខ្វល់ខ្វាយពីថ្ងៃស្អែកឡើយ ( ខ ១២៨ )

១.ចូរកុំខ្វល់ខ្វាយពីថ្ងៃស្អែកឡើយ         ព្រះអង្គជ្រាបហើយនូវរឿងជីវិតអ្នក 
ខ្វះម្ហូបចំណីព្រះអង្គទ្រង់ជ្រាបជាក់      គ្មានអ្វីស្លៀកពាក់ព្រះអង្គទតឃើញពិត    ។ 

បន្ទរ.ចង់បានអ្វីៗ        ព្រះមានទាំងអស់     ជឿដល់ទ្រង់ចុះនោះនឹងបានជីវិត 
ត្រូវរកនគរនឹងសេចក្ដីសុចរិត            របស់ព្រះពិតឃើញសិនទើបទ្រង់ផ្ដល់ឲ្យ     ។ 

២.មើលអស់ទាំងសត្វបក្សីបក្សា              វាគ្មានធ្វើការខ្វល់ខ្វាយសន្សំទុក 
មិនព្រោះដកស្ទួងច្រូតកាត់ដាក់ជង្រុក    តែព្រះទំនុកបំរុងគង់ជីវិត          ។ 

បន្ទរ.ចង់បានអ្វីៗ        ព្រះមានទាំងអស់     ជឿដល់ទ្រង់ចុះនោះនឹងបានជីវិត 
ត្រូវរកនគរនឹងសេចក្ដីសុចរិត            របស់ព្រះពិតឃើញសិនទើបទ្រង់ផ្ដល់ឲ្យ     ។ 

៣.ចូរមើលផ្កាឈូកឬផ្កាតាមវាល            ស្រស់ល្អត្រកាលលើសជាងក្សត្រតែងអង្គ 
មិនត្បាញរវៃខ្វល់ខ្វាយដេរប៉ាក់ផង       តែព្រះរៀបផ្គងតុបតែងល្អវិចិត្រ    ។ 

បន្ទរ.ចង់បានអ្វីៗ        ព្រះមានទាំងអស់     ជឿដល់ទ្រង់ចុះនោះនឹងបានជីវិត 
ត្រូវរកនគរនឹងសេចក្ដីសុចរិត            របស់ព្រះពិតឃើញសិនទើបទ្រង់ផ្ដល់ឲ្យ     ។ 

៤.ព្រះស្រឡាញ់មនុស្សលើសអ្វីទាំងឡាយ    ទ្រង់ហ៊ានចំណាយទាំងរាជបុត្រនៃទ្រង់ 
ឲ្យទុកជាថ្លៃលោះព្រលឹងមនុស្សបាត់បង់      ត្រូវឲ្យជឿទ្រង់លែងខ្វល់ខ្វាយគំនិត   ។ 

បន្ទរ.ចង់បានអ្វីៗ        ព្រះមានទាំងអស់     ជឿដល់ទ្រង់ចុះនោះនឹងបានជីវិត 
ត្រូវរកនគរនឹងសេចក្ដីសុចរិត            របស់ព្រះពិតឃើញសិនទើបទ្រង់ផ្ដល់ឲ្យ     ។