ព្រះអង្គស្រឡាញ់មិនបោះបង់ ( ខ ៧៦ )

១.ព្រះវរបិតា ទ្រង់ស្នេហាដល់មនុស្សទាំងឡាយ  ព្រះអង្គមិនណាយ 
ទោះយើង  ជាមនុស្សលិចលង់  តែដោយក្ដីស្រឡាញ់ 
ដល់យើងទ្រង់មិនដែលបោះបង់ ហើយក៏ចាត់អង្គសង្គ្រោះឲ្យមកផែនដី ។ 

២.ព្រះគ្រីស្ទប្រសូត មកជាមនុស្សនៅបេថ្លេហិម  ទ្រង់ផ្ដល់សង្ឃឹម 
ឲ្យមនុស្ស      គ្រប់ជាតិប្រុសស្រី មានសេចក្ដីសុខសាន្ដ 
ដោយបានព្រះអង្គប្រោសប្រណី បង្កើតជាថ្មីដោយព្រះវិញ្ញាណព្រះអង្គ ។ 

៣.ព្រះគ្រីស្ទរងទុក្ខ  យ៉ាងខ្លោចផ្សានៅកាល់វ៉ារី  ប្ដូរក្ស័យជីវី 
ជួសយើង  យកឈាមចេញសង ឲ្យរួចពីក្ដីស្លាប់ 
ព្រោះបាបយើងធ្ងន់ក្រៃកន្លង ព្រះគុណព្រះអង្គលោះជារបស់ទ្រង់ដាច់​។ 

៤.ព្រះគ្រីស្ទរស់ឡើង  បានតម្កើងដល់សិរីល្អ នៅឋានបវរ 
ទ្រង់ក៏រៀបទុកជាស្រេច  ឲ្យដល់អស់អ្នកណា 
ដែលស្ម័គ្រចិត្តទទួលទ្រង់ដាច់   ដោយបានសម្រេចយកទ្រង់ជាព្រះខ្លួនផ្ទាល់ ។