ខ្ញុំមើលឃើញឋានឧត្តម (ខ ២៧៤)

១.ខ្ញុំមើលឃើញឋានសួគ៌ពេញរស្មី   ឋានពេញសិរីល្អយ៉ាងអស្ចារ្យ រុងរឿងឧត្តមឥតឧបមា អស់ពួកទេវតាហោះច្រវាត់ 
ហែហមគាល់អង្គព្រះមហាក្សត្រ ដ៏ជាម្ចាស់សួគ៌ាមានឫទ្ធិក្តាត់ គឺអង្គព្រះគ្រីស្ត ។ 

២.ព្រះអម្ចាស់អើយខ្ញុំចង់បាននៅ  ឋានឥតហ្មងសៅប្រសើរយ៉ាងនេះ ឋានគ្មានទុចរិតឬជាន់ជិះ   ដោយការឈ្នានីសកាប់សម្លាប់ 
ទទួលខ្ញុំផងឲ្យមានច្បាប់ ខ្ញុំស៊ូលះលោកីយ៍ខំត្រងត្រាប់ ស្តាប់តាមព្រះអង្គ ។ 

៣.ឋានសួគ៌មានតែសេចក្តីសុចរិត ឋាននៃជីវិតគ្មានស្លាប់ឡើយហោង ខ្ញុំជាបាបជនជាប់សៅហ្មង  ព្រោះការរំលងបញ្ញត្តិព្រះ 
វង្វេងឆ្ងាយបង់ក្នុងបាបក្រាស់ តែសូមទ្រង់មេត្តាលាងជម្រះ ឲ្យចូលឋានសួគ៌ ។