យើងជាពន្លឺលោកិយ ( ខ ១៧៦ )

១.ទ្រង់ឲ្យយើងធ្វើ  ជាពន្លឺដល់លោកិយ ចូរប្រញាប់ខ្មី ដាក់ពន្លឺលើជើងថ្កល់ 
ទើបចាំងរស្មី  ដេញងងឹតអស់គ្មានសល់ នោះគេបានយល់ ហើយឃើញខ្លួនធ្វើទាស់នឹងព្រះ   ។ 

២.យើងអាចភ្លឺចាំង គ្របក្នុងថាំងបានការអី គ្រប់ជនប្រុសស្រី ក្តីងងឹតបាំងខ្លាំងណាស់ 
ចូរបំភ្លឺទៅ ឲ្យគេឃើញយើងក្នុងព្រះ ការលេចជាក់ច្បាស់ ជាបរិសុទ្ធដោយសារព្រះគ្រីស្ទ   ។ 

៣.ពន្លឺយើងអាច ផ្តល់អំណាចការប្រោសលោះ ភ្លឺសព្វទាំងអស់ ក្នុងពួកមនុស្សលោកិយនេះ 
ឃើញការសង្គ្រោះ គេបែរមករកព្រះគ្រីស្ទ លះលោកិយនេះ ព្រះអង្គប្រោសឲ្យរួចពីស្លាប់។