ទ្រង់នាំផ្លូវយើងទៅមុខ ( ខ ១៦១ )

១.ផ្លូវអាថ៌កំបាំង     វាងតាមទីរហោឋាន       ទោះឆា្ងយជាងផ្លូវត្រង់ទាំងប៉ុន្មាន 
ទ្រង់នាំឲ្យបានសុខសាន្តផុតមុខសឹកសង្គ្រាម 
ផ្លូវអាថ៌កំបាំង      វាងតាមទីរហោឋាន    ទោះឆា្ងយជាងផ្លូវត្រង់ទាំងប៉ុន្មាន 
ទ្រង់នាំឲ្យបានសុខសាន្តផុតមុខសឹកសង្គ្រាម   ។ 
មើលទៅផ្លូវនោះ      ហាក់ឆា្ងយសន្លឹម     ហួតហែងក្រៀមក្រោះ 
គួរអស់សង្ឃឹម     តែបើស្ម័គ្រតាម     ទ្រង់នាំដល់ទីទ្រង់សន្យា    ។ 

បន្ទរ.ទ្រង់យាងនាំផ្លូវ     (ទ្រង់យាងនាំផ្លូវ)      ទៅមុខជាដរាប      (ទៅមុខជាដរាប) 
បង្គោលភ្លើងនាំផ្លូវពេលយប់       (បង្គោលភ្លើងនាំផ្លូវពេលយប់)  
បង្គោលពពកនាំពេលថ្ងៃ       ព្រះអង្គទ្រង់នាំផ្លូវយើងទៅមុខ 
(ព្រះអង្គទ្រង់នាំផ្លូវយើងទៅមុខ)    ។ 

២.ផ្លូវជីវិតចាស់      ច្រើនតែខុសក្តីបំណង      តាំងតែពីបានជឿដល់ព្រះអង្គ 
ខ្ញុំបានបោះបង់បំណងចិត្តចាស់ខ្ញុំចោលចេញ 
ផ្លូវជីវិតចាស់    ច្រើនតែខុសក្តីបំណង     តាំងតែពីបានជឿដល់ព្រះអង្គ 
ខ្ញុំបានបោះបង់បំណងចិត្តចាស់ខ្ញុំចោលចេញ    ។ 
ដើរតាមផ្លូវថ្មី     រីករាយក្រៃលែង     រួចផុតគ្រោះថ្នាក់     ផុតក្តីចំបែង 
បានដើរតាមទ្រង់ខ្ញុំជួបតែសុខសន្តិភាព។ 

បន្ទរ.ទ្រង់យាងនាំផ្លូវ    (ទ្រង់យាងនាំផ្លូវ)      ទៅមុខជាដរាប    (ទៅមុខជាដរាប) 
ព្រះបន្ទូលបំភ្លឺតម្រង់     (ព្រះបន្ទូលបំភ្លឺតម្រង់) 
ព្រះវិញ្ញាណប្រទានចេស្តា        ព្រះអង្គទ្រង់នាំផ្លូវយើងទៅមុខ 
(ព្រះអង្គទ្រង់នាំផ្លូវយើងទៅមុខ)     ។