មានពរហើយអស់អ្នកសុចរិត ( ខ ២៣៧ )

១.មានពរហើយអស់អ្នកដែលមិនព្រមស្ម័គ្រ អឺយ ដើរតាមអំពើបាប	 មានពរហើយអស់អ្នកដែលមិនព្រមស្ម័គ្រ អឺយ ដើរតាមអំពើបាប 
ហើយគេចពីមនុស្សអាក្រក់រៀងរាបដរាប មានចិត្តសុភាពជឿព្រះអម្ចាស់ ។ 

២.ទោះពេលយប់ឬថ្ងៃ ចិត្តត្រេករីករាយ អឺយ នឹងក្រឹត្យវិន័យព្រះ		 ទោះពេលយប់ឬថ្ងៃ	ចិត្តត្រេករីករាយ អឺយ នឹងក្រឹត្យវិន័យព្រះ 
ដោយរំពឹងគិតឲ្យបានយល់ព្រះបន្ទូលច្បាស់ ខ្ជាប់ខ្ជួនតាមព្រះឥតធ្វេសគំនិត ។ 

៣.អ្នកនោះបានចម្រើន កិច្ចការផលកើន អឺយ ដូចឈើក្បែរផ្លូវទឹក អ្នកនោះបានចម្រើន កិច្ចការផលកើន អឺយ ដូចឈើក្បែរផ្លូវទឹក
ផ្កាផ្លែដេរដាស	មិនដែលស្រពោនត្រួយស្លឹក	ឲ្យផលសន្ធឹកតាមរដូវកាល ។ 

៤.ឯមនុស្សអាក្រក់ ត្រូវខ្យល់ផាត់បក់ អឺយ ខ្ចាត់ខ្ចាយដូចអង្កាម	 ឯមនុស្សអាក្រក់ ត្រូវខ្យល់ផាត់បក់ អឺយ ខ្ចាត់ខ្ចាយដូចអង្កាម	 
ព្រះអង្គនឹងញែកបំបែកពួកអ្នកមិនជឿតាម ពីរាស្ត្រទ្រង់ភ្លាមមិនឲ្យនៅជិត ។ 

៥.ទ្រង់បានប្រទានពរ ដ្បិតជ្រាបផ្លូវល្អ អឺយ របស់ពួកសុចរិត	 ទ្រង់បានប្រទានពរ ដ្បិតជ្រាបផ្លូវល្អ អឺយ របស់ពួកសុចរិត	 
ឯផ្លូវមនុស្សអាក្រក់ កិច្ចកលកំផិត ផ្លូវវឹកវរពិត នឹងត្រូវវិនាស។