សេចក្តីសុខុមគង់មានដល់អ្នកចូលចិត្ត (ខ ១២១)

១.សេចក្តីសុខុមគង់មានដល់អ្នកចូលចិត្ត  ព្យាយាមប្រព្រឹត្តដោយចិត្តជ្រះថ្លា 
តាមបទបញ្ញត្តរបស់ព្រះយេហូ_វ៉ា  ដើរតាមមាគ៌ានៃព្រះជាម្ចាស់ ។ 

២.បានសេចក្តីចម្រើនកើនកបសមដូចប្រាថ្នា  បីដូចព្រឹក្សាផល្លាដេរដាស 
នៅក្បែរផ្លូវទឹកមែកស្លឹកខៀវស្រស់លាស់ក្រាស់  ចម្រើនដល់ម្ចាស់ឥតខ្វះភោគផល ។ 

៣.មាគ៌ាទុរជនទុរន់ពេកពន់ប្រមាណ    ចិត្តឥតស្រាកស្រាន្តនាំប្រាណអំពល់ 
ដូច្នេះទុរជនត្រូវរងទុក្ខាកង្វល់  មិនដែលបានយល់ក្តីសុខក្សេមក្សាន្ត ។ 

៤.តែបើទុរជនព្រមលះបាបធ្ងន់ចោលចេញ  ប្រែចិត្តថ្មីវិញគង់រួចបាបបាន 
ព្រះអង្គអត់ទោសប្រោសចិត្តឲ្យបានស្រាកស្រាន្ត  ក្តីសុខុមមានដល់អ្នកចូលចិត្ត ៕