សូមរក្សាព្រលឹងនៃទូលបង្គំ ( ខ ២៧៥ )

១.ខ្ញុំនៅតែមា្នក់ឯង ត្រមោចតែឯង  ហើយមានក្តីវេទនា ព្រះម្ចាស់អើយបែរភក្ត្រា  ដោយក្តីមេត្តាដល់ទូលបង្គំដែលជាប់ចំណង    ។ 
ឱ!ព្រះអម្ចាស់អើយ   ខ្ញុំសូមលើកព្រលឹងថ្វាយដាច់ដល់ព្រះអង្គ សូមទ្រង់កុំបោះបង់  រក្សាខ្ញុំផងដ្បិតគឺព្រះអង្គខ្ញុំអាចពឹងពាក់   ។ 

២.ភ្នែកខ្ញុំសម្លឹងចំ  សង្ឃឹមយ៉ាងមាំ  តែលើព្រះអង្គជាក់ ទ្រង់ជួយដោះពីអន្ទាក់ ពីទុក្ខលំបាកទាំងនឿយព្រួយក្នុងចិត្តយ៉ាងក្រៃលែង  ។ 
សូមទ្រង់កុំនឹកចាំ ពីបាបដែលខ្ញុំបានធ្វើកលនៅពីក្មេង តែសូមនាំខ្ញុំចេញ  ប្រោសលោះខ្ញុំវិញ    ហើយថែរក្សាព្រលឹងខ្ញុំផង    ។